Christine Brown | Kia Reka te Ako Webinar

Pip Rimene & Mike Styles - Dyslexia | What Now?

Nō te tau 2022 i kaha aro mātou ki tētahi o ā mātou tama, ka mutu, he nui anō tā mātou urupounamu atu ki a mātou anō mō te āhua o ana matea ako. Ko tā mātou i whakatau ai, he tamaiti takiwā tēnei, ā, nāwai rā ka toro atu mātou ki te Tāhuhu o te Mātauranga, ki te kaimātai hauora hinengaro, kia whakamātauhia ā-ōkawatia nei te tamaiti nei. Ko tā rātou, ka toru tau pea te roa o tā mātou tatari kia whakamātauria te tamaiti nei. Nā, ka hōhā mārika mātou i runga anō i te whakaaro, e kore e taea te tatari mō ngā tau e toru i tēnei ao mātauranga nei! Nō muri mai i tēnei ka toro atu mātou ki tētahi nō te hapori whānui, ā, ka utua ia ki te mahi i āna mahi. I tika tā mātou i whakatau ai mō te takiwātanga, heoi, he matea ako anō i ara ake, ā, ko te tīpaopao kupu tērā. I toro atu mātou ki a SPELD, ki ētahi atu anō hoki kia tautoko i te tamaiti nei, engari kāore ā rātou rauemi reo Māori. Nā konei i waihanga ai mātou i tā mātou ake rauemi, ā, koinei te kaupapa o te kōrero nei. We are grateful to Kahu Pūtoi who have made this webinar available to Ako Panuku kaiako.